როგორ წარვმართოთ პრეზენტაციის პროცესი?
- პრეზენტაციისას ილაპარაკეთ ხმამაღლა და მკაფიოდ, არც ძალიან ჩქარა და არც ძალიან ნელა;
- უყურეთ აუდიტორიას, რიგრიგობით შეაჩერეთ მზერა ყველაზე;
- პრეზენტაცია არ უნდა იყოს ხანგრძლივი;
- პრეზენტაციის დასრულებისას, მიეცით მსმენელებს საშუალება, დაგისვან კითხვები;
- დასასრულს მადლობა გადაუხადეთ აუდიტორიას ყურადღებისათვის.
საკუთარი პრეზენტაციების შექმნისას:
- მიუსადაგეთ ყველა რჩევა თქვენს კონკრეტულ პრეზენტაციას, იქნება ეს კლუბის წევრების შეხვედრა, პრეზენტაცია პოტენციურ პარტნიორთან, შემაჯამებელი პრეზენტაცია თუ სხვა.
- ჩამოაყალიბეთ პრობლემა და ვის საკეთილდღეოდ უნდა გადაიჭრას (ან გადაიჭრა) იგი.
- ნუ შეიჭრებით კვლევის მიმდინარეობის დეტალებში. ძირითადად, ისაუბრეთ კვლევის შედეგებზე. თუ ეს არის პროექტის შემაჯამებელი პრეზენტაცია, კვლევის ნაწილი შეგიძლიათ ცოტა უფრო დეტალურად აღწეროთ.
- როგორ ხედავთ პრობლემის გადაჭრის გზას და ვის მიერ. გარკვევით გამიჯნეთ ფუნქციები.
- რა კონკრეტულ დახმარებას ელით პარტნიორისაგან ან რა კონკრეტული დახმარება გაგიწიათ პარტნიორმა.
