თბილისის სამოქალაქო კლუბის წევრებმა ჩაატარეს აქცია „ვაჩუქოთ წიგნები მეგობრებს!“ მოსწავლეები გამოეხმაურნენ სოციალური ქსელით გავრცელებულ, ახალქალაქის მუნიციპალიტეტის სოფელ ალასტანის სომხურენოვანი სკოლის (სკოლაში 110 ბავშვი სწავლობს) ქართული ენის მასწავლებლის თხოვნამოწოდებას, დახმარებოდნენ ამ სკოლის ბიბლიოთეკას ქართულენოვანი წიგნებით. მოსწავლეებმა, კლუბების ფეისბუქის გვერდების საშუალებით, გამოაცხადეს აქცია და ათი დღის მანძილზე, თბილისის მასშტაბით, შეაგროვეს 1000-მდე ქართული წიგნი, რომელიც გადასცეს სოფელ ალასტანის სკოლის წარმომადგენლებსა და უფროსკლასელ მოსწავლეებს.
